«
»

,,

خمسة أشياء لا يعرفها عني إلا المقربون؟ .. كتاب مفتوح أم مذكرة سرية :| .. خليط غامض ما بين الإثنين, غير مستوي .. مطبوخ على نار جانحة ,,

  • أذكر أن القليل من معارفي على علم بأني أعسر متعصب لليد اليسرى غير محايد “بتاتاً” في ذلك! مع إنه سبق ذكر هذه المعلومة في صفحة من صفحات المدونة هنا :) ,,
  • كانت لي محاولات في الكتابة في سن صغيرة نسبياً وأول مقالة كتبتها بشكل معقول كانت بعمر الثالثة عشر (مقالة مليئة بأخطاء علامات الترقيم وبالكلمات والأفكار التي ليس بإمكاني الآن تكرارها من غرابتها وجمال بساطتها! ) وأن أول محاولاتي بالكتابة لم تكن بالعربية بل كانت بالإنجليزية وبإذن الذي خلقني سأنشرها قريباً ,,
  • عندي حالة هوس بالترتيب والتنظيم, الأوراق من أمامي دائماً مرتبة بحسب أهميتها ووقت استعمالها والنقود في محفظتي مرتبة من الأصغر للأكبر باتجاه واحد دائماً, وأغلب وثائقي الرسمية لدي منها نسخ موزعة على عدة أماكن!
  • لما أطلب في مطعم وجبات سريعة وأكون واقف أنتظر الطلب ما أعرف اقعد أو أضيع الوقت راح أكون الشخص اللي تشوفونه واقف على أعصابه وماسك فاتورة الطلب بيدينه الثنتين يعفط الورقة ويسوي منها أشكال “جذابة” الين ما يجيني طلبي! نتشارك أنا والأخ بندر رفه بهذه “الموهبة” :) ,,
  • أقرأ الصحف والمجلات من النهاية إلى البداية وليس العكس.. ودائماً أشغل يدي اليسار بسبحة أو ميدالية مفاتيح أو مفتاح السيارة أو أي شي “قابل للحركة وللدوران بعنف” :| ولو ما أسوي كذا أحس بفراغ وتجيني رغبة قوية أني أمسك أي شي ولو كانت ورقة مرمية على المكتب قدامي!

    • كل الشكر لــ محمد الشهري على هالتمريرة الحلوة وبدون رسميات أو كلافة أمررها لكل من محمد بن سالم وديتيلز ونيارت والرصاصي ولكل من يحب أن يعرفنا على خفايا شخصه الكريم ,,

    هذا الموضوع كتب في 22 مارس 2007 في الساعة 7:09 م ومصنف بهذه التصنيفات: غير مصنف. يمكنك متابعة التعليقات على هذا الموضوع عن طريق ملف الخلاصات RSS 2.0. يمكنك أن تكتب تعليقاً, أو تعقب على الموضوع من موقعك.

    التعليقات 28 على “,,”

    1. NjDaWeE:
      23 مارس 2007 في الساعة 1:09 ص

      .
      ..
      …
      انا اشاركك في شيئين من الخمسه
      انا اعسر و اكتب باليسار
      اكتب باليمين لكن صعب علي شوي و بنفس مهارة اليسرى

      و اقراء الصحف والمجلات من النهاية الى البدايه

      يعطيك العافيه يا محايد
      ولا تحرمنا من جديدك

    2. NeeArt:
      23 مارس 2007 في الساعة 6:26 ص

      هذي التمريره مررها لي بندر وهربت منها هههههه وتجي انت تكملها
      ما اعرف اكتب زيكم مشا الله عليكم عندكم حاجات حلوه وتضحك بشخصياتكم.. ما اعرف وش ماينعرف عني ..

      تدري انا لو أقعد بمكان فيه انتظار زي مطعمك هههه ماعندي مشكله انتظر الى مية سنه ..
      وحالة الهوس بالترتيب والله شي جيد احس العيال دايم عندهم هوس في الحوسة والفوضى :)

      لا تنسى تنزل لنا اول محاولة لك في الكتابه =) .. بس انتبه للسبيلنج لا تتفشل هههه

      عندي اوراق من صغري تقطع القلب من الضحك اسلووب غببببببي ياشيني ياشيني ذيك الايام هببببببله

    3. الرصاصي:
      23 مارس 2007 في الساعة 1:12 م

      أبو محايد ياخي أتفق معاك بصفات وأناقضك بصفات أخرى
      ومن أهمها فاتورة الشورما هههههههههههههههههههههههههه

      بس تصدق أنا كنت ولله الحمد أحصل على درجات عاليه في ماده التعبير والانشاء الاملائي ..
      وأنا من النوع اللي أحتفظ بكتبي منذ صغري ( حرص الوالد ) ..

      رجعت على دفتر التعبير في الصف الرابع الاتبدائي ..
      لقيت فيها موضوع هههههههههههههههههههههههههههههه المشكله أن التقييم 10/10
      والله يا المدرس شكله كان ثور يومه قيمني ( الله يذكره بالخير ) ..

      بس والله ترتيب الاوراق أني مثلك أحس بهستيريا إذا شفت أوراقي معفوسه ..
      بس الفلوس هي الماده الورقيه اللي عجزت أصففها بالترتيب مثلك ..
      تلقى الريال قبل الخمسميه ..

      والصحف برضوا أتصفحها من اليسار إلى اليمين بحثا عن النكته قبل الاخبار السياسيه ..

      لكن بالمطعم صدري وسيع مثل NeeArt .. وأحب أتابع وأراقب اللي حولي ..
      تعجبني سلوكيات البعض ( قلـّـه ) والاغلبيه تعاملهم همج مع العماله ..

      الله يوسع صدرك
      وشاكر لك على هاللفته الرائعه …

    4. pastel:
      23 مارس 2007 في الساعة 3:45 م

      :) يبدو الكثير يشاركك القراءه من اليسار الى اليمين ..

      كم مره حاولت ان أبدأ من الصفحة الاولى .. لكن لا احس بارتياح ابداً واقفز للصفحات الاخيره مباشره :)

      وعموماً لم اتفاجأ بكثير مما كشفته فقد قرأته في سيرتك الشخصيه من قبل :P

    5. كبرياء:
      23 مارس 2007 في الساعة 4:26 م

      نجدي محايد..
      أتفق معك في نقاط وأناقضك بنقاط
      أقرأ الصحف والمجلات من النهاية إلى البداية وليس العكس..
      أنا حتى المذاكرة أحيانا أذاكر بالعكس..:)
      يعني لابغيت أخلص بسرعه أذاكر من العكس..
      أحس المذاكرة أسهل..
      >>>مادرى وش الفرق..
      وبالنسبة للأنتظار في المطاعمــ أكره ماعلي إنتظار الطلب..
      حتى لو كانت الأهل يسولفون والوقت بيخلص بسرعه
      بس بعد أكره الأنتظار
      >>جيعانه..:)
      أما بالنسبة لكتابتي..
      عندي حس فني راقي من حيث الكتابة>>ايه هين..
      بس يعني كنت مش ولا بد..
      بس التعبير كنت حافظته حفظ..
      خصوصا تعبير الوالدين..:)..
      .
      .
      بالنسبة للكتابة أنا أكتب باليمين..
      وودي أتعلم أنى أكتب باليسار بس ماقدرت..:(..
      .
      .
      أشكرك..
      جعلتني أفكر ببعض خبايا نفسي..

    6. محمد الشهري:
      23 مارس 2007 في الساعة 7:03 م

      اكثر شي اختلف معك فيه يا فهد هو الترتيب والنظام في حياتك ..
      انا انسان فوضوي بكل ما تحمله الكلمة من معنى … اوراقي مبعثرة على الطاولة .. مواعيدي اقوم بتأجيلها في كثير من الأحيان .. اعيش اللحظة ولا أنظر للمستقبل !

      مشكور فهودي على حل الواجب :)

    7. ظلال الياسمين:
      23 مارس 2007 في الساعة 10:04 م

      السلام عليكم..
      خبايا حلوه..تعجبني المواضيع اللي كذا>>لقافه حريم..
      وننتظر مقالاك اللي بالانقلش,,
      بالنسبه لي اعشق كتابة العبارات والجمل البسيطه بالانقلش اما مقال كامل ما اتوقع مع اني متقنه الانقلش..اما العربي لي محاولات تقدرون تقولون ببدايتي..
      وبالنسبه للانتظار بالمطاعم احببه خصوصا لو كان thru drive(مانيب متأكده من السبيلنق) عشان استهبالات اخواني على العامل>>ياملغكم ياختي
      اما اخر نقطه هههههههههههه ضحكت يوم قريتها..انا يوم اقرا احب احرك رجليني..دايم اسبب قلق وازعج اللي حولي..

      دمت بود

    8. محمد بن سالم:
      24 مارس 2007 في الساعة 1:02 ص

      اخوي نجدي..

      ترى هالواجب حليته من قبل و اذا كنت تحب تعرف 5 اشياء غير اللي ذكرتهم

      انا تحت امرك..

    9. Details:
      26 مارس 2007 في الساعة 9:46 ص

      صباح الخير .. :) , واللي ماعندهم أسرار يكتبون ايش ؟ :cry: , طيب انا اعجبتني الحكاية الثانية و أكيد ننتظر المقالة :) شكراً جزيلاً لك نجدي على التمريرة بإذن الله أكتبهم قريب :)

    10. نجدي محايد:
      27 مارس 2007 في الساعة 12:37 ص

      NjDaWeE

      الأعسر نادر وقصته قصة < -- أعسر ويبي يمدح جماعته! .. أنا أعسر وأنت أعسر وفلانة عسراء نعم لكن مع هذا تبقى نسبة العسران في العالم تقريبا 10% فقط من كل البشر .. أن تكون واحد من بين كل 10 ليس بالشيء الهين .. فيها فكرة, ومنها حكمة, يعلمها الرب ..

      بإذنه سأتكلم بوضوح عن هذه الحالة في موضوع قادم قريباً .. أن تكون أعسر .. كيف أصبحت كذلك .. لماذا أصبحت أعسر .. وما معنى أن تكون أعسر .. ليس اختيار أن تكون أعسر نعم ولكن ما دلالة هذا الشيء وهل هي مجرد صفة كلون العين والبشرة؟

      أنت ماشاءالله تكتب باليدين وهذه موهبة جميلة وأنا ما أخفيك إني حاولت لكن محاولات فاشلة :| .. قراءة المجلة والصحيفة من النهاية اكتشفت انها ظاهرة ولها دلالة على أسلوب الشخص .. راح أبين أكثر عن هالنقطة مع باقي الردود .. شكراً لك ألف على مشاركتك لنا بتجربتك ورأيك..

    11. نجدي محايد:
      27 مارس 2007 في الساعة 4:04 ص

      NeeArt ,

      تحملي معانا يالغالية جايتك جايتك هالتمريرة استقبليها ولو اني أدري انك ما رديتي على بندر :) وأنا متأكد إن عندك أمور غريبة ومخفية وخفيفة دم بتلطف الجو لو ذكرتيها ومشالله عليك هنيالك طولة البال بالإنتظار وغيره وعسانا يجينا شوي من اللي عندك,,

      أما موضوع هوس الترتيب فهو سبحان الله ما كان موجود عندي من صغر لأ طلع على كبر وصار عندي مثل اللي تقولين كل شي له مكانه وله وقته ومثل ما قلنا بالموضوع منه عدة نسخ وموزعة على عدة أماكن وأنواع الوسوسة اللي منها فايدة :| ..

      هذا شماغ السيارة دايم زاهب وهذا شماغ بالملحق احتياط لا يكون شماغك اللي بالسيارة موب مكوي وهذا شماغ العزايم الطارئة مرمي ورا وهذه نسخ من اثباتاتي في المحفظة ونسخ ثانية في السيارة ونسخة ثالثة في البيت..

      هذا غير الهوس اللي يجيني لما أشوف شي موب مرتب (أوراق كتب أغراض أي شي!) على طول في ثواني تلقينه تحول إلى شكل هندسي سواءاً مربع أو مستطيل أو معين :| .. أهم شي إني موب حاس إني مكلف نفسي وقت أو اهتمام لأن كل هذا يتم بشكل طبيعي لا إرادي بدون ما أفكر فيه :) .. الله المستعان عموما!

      شكراً لك اختي نورة على مرورك ومشاركتك الجميلة ودائماً بانتظار جديدك في الكتابة أولاً وفي التصميم ثانياً..

    12. نجدي محايد:
      27 مارس 2007 في الساعة 4:35 ص

      الرصاصي ,

      فاتورة الشاورما تكرهنا على هالحال خليها على الله!

      برافو عليك والله مادة التعبير هي المقياس الحقيقي للقدرة على الإرتجال وترتيب الكلام وغيره وخلينا نشوف بعض إنتاجك “القديم” :) والفل مارك هذه شكلها وراها مواهب وإبداع!

      ويابوريماس انت الحين ثالث شخص يوافقني في موضوع قراية الصحف من الآخر لأنه مثل ما قلت السياسة لها وقتها ومزاجها أما النكتة فهي دايم مرحب بها..

      سلوكيات البعض في المطاعم أغلبها همجية مثل ما تفضلت وصدقني ما هي بعيدة عن السلوك العام للكثير اللي للأسف يفتقد للذوق ويتميز بالجفاف وقلة الحياء ورداءة اللسان .. قد أكون متشاءم نعم لكن في كلامي جزء كبير من الحقيقة..

      لا تحرمنا مرورك وشوفتك يالغالي..

    13. نجدي محايد:
      27 مارس 2007 في الساعة 5:33 ص

      Pastel ,

      وأنتي يا اختي أصبحتي الرابعة إلى الآن :| .. من النهاية إلى البداية,,

      لم تتفاجأين لأني صاحب أوراق مكشوفة ما عندي شي أخفيه :) أتغدا فيكم قبل ما تتعشون فيني!

      كبرياء ,

      الضيفة الخامسة في مدونة نجدي محايد من قراء الصفحات الأخيرة قبل الأولى! :)

      تعبير فضل الوالدين كلنا حفظناه حفظ من كثر ما هم يطلبونه :| .. كثري من “يجب أن” و “من ثم” و”وبإمكاننا القول أن” وتلقين نفسك كاتبة موضوع كامل مكمل مشطب تشطيب ممتاز وجاهز لسوق العمل!

      تعلمي الكتابة باليسار بس اذكري انها طبيعة وفطرة يعني ما فيها اختيار أتوقع مع أن فيه ناس شفتهم عودوا نفسهم وقدروا لكن ما في شي زي الأصلي :| ..

      أشكرك أنتي.. دمتي على خير,,

    14. نجدي محايد:
      27 مارس 2007 في الساعة 5:57 ص

      محمد الشهري ,

      الفوضوية جميلة إذا كنت متصالح معها, هذه كلمتي دائماً .. وعيشك للحظة شي جميل وأنا مهما كنت مرتب ما أتخيل نفسي أخطط لأبعد من يوم أو مناسبة معينة ما تتعدى اسابيع بالكثير .. القرار المفاجئ وطلعات راعين “قدام!” لها مذاقها دايم ..

      مشكور على إرسالك الواجب يامحمد ,,

      ظلال الياسمين ,

      لقافة الحريم يا عزيزتي لها مكانها دايم عند الرجال ولا ما كان شفتي أغلب اللي يشترون المجلات النسائية رجال! :) .. المرأة عالم مجهول بالنسبة لهم مهما أبحروا فيه ..

      مقالاتي بالإنقلش على قولتك إن شاءالله بعرضها قريب جداً بس أخلص من تدوينها وبالنسبة لمحاولاتك فأنا شفتها وأقدر أقول انها ماشاءالله جيدة بشكل مبدأي..

      بس بالنسبة للمطعم ودي أقلبها من Thru Drive إلى Drive-Thru عشان تضبط :) وزين انك لاحظتي في نفسك شي شبيه بمعاناتي الدائمة مع يدي اليسرى ورغبتها في “السيطرة” :| والله يعين اللي حولك أحسهم يبلشونك دايم يا فلانة لا تزعجيننا انتي ورجولك!

      دمتي بكل الود

    15. نجدي محايد:
      27 مارس 2007 في الساعة 6:35 ص

      محمد بن سالم ,

      مرحبا فيك عزيزي وسلامتك يالغالي يكفي مرورك هنا وشوفتك عندنا أما الواجب فمعفينك عنه يالغالي ولا تشيل همه :) وحنا تحت أمرك ولك حاضرين ..

      Details ,

      صباح الأنوار .. :) , اللي ما عندهم أسرار قد يكونون مجرد أشخاص قلوبهم بيضا وأعطوا مفاتيح قلوبهم لأشخاص ما يستاهلونها فتصبح أسرارهم مكشوفة بدون داعي .. تحليل يمكنه منطقي مني لكن في غير وقته ولا حنا بمحتاجينه الحين :) ..

      على الطاري ترى هالسمايلي اللي يبكي كل ما شفته يكسر خاطري! ومحد يستعمله غيرك أنتي :) الله لا يقسي قلوبنا قولي آمين جعل خاطرنا ينكسر وينجبر ويتصلح وينصان بس لا تقسى قلوبنا ولا نحس بشي اللهم آمين ..

      المقالة إن شاءالله بالطريق بس باقي ادونها كاملة .. شكرا لك يا عزيزتي على مرورك ,,

    16. Entropy:
      29 مارس 2007 في الساعة 3:55 ص

      ” .. ودائماً أشغل يدي اليسار بسبحة أو ميدالية مفاتيح أو مفتاح السيارة أو أي شي “قابل للحركة وللدوران بعنف” :| ”

      هذا انت أثبت انك نجدي :-)

      “المقالة إن شاءالله بالطريق بس باقي ادونها كاملة .. ”

      يارب لك الحمد …. يعني قرب الفرج ؟

      :-)
      في الانتظار

    17. عبدالعزيز البكر:
      29 مارس 2007 في الساعة 4:11 م

      بصراحة ما يعجبني في مدونتك هي البساطة … سواء في التصميم أو في القلم النحيل

      عجبني مقطع في سطورك يقول :…

      عندي حالة هوس بالترتيب والتنظيم, الأوراق من أمامي دائماً مرتبة بحسب أهميتها ووقت استعمالها والنقود في محفظتي مرتبة من الأصغر للأكبر باتجاه واحد دائماً, وأغلب وثائقي الرسمية لدي منها نسخ موزعة على عدة أماكن!

      صراحة أنا عكسك تمام في النقطة الأولي في ترتيب الأوراق في مكتبي…
      كنت أود أن أريك حاله مكتبي التي يرثي لها
      أوراق .. كتب .. جرائد ..
      . بس جميع زملائي في العمل يعشقونه بسبب الفوضي
      كل ما يريدونه يجدونه .. لدرجة أحدهم يقول لبحثنا عن فتاحه الببسي سنجدها على مكتبك ..

      أما الأمور الأخرى كمحفظة النقود والوثاق أنا حريص عليها جدا… كحرصي على الاستمتاع بقراءة مدونتك
      أخوك / عبدالعزيز

    18. نجدي محايد:
      29 مارس 2007 في الساعة 11:40 م

      Entropy ,

      The proof of my Najdi-ness in a habit :)

      أبشري تامرين أمر, “قرب الفرج” + اني انتهيت منهم, وراح أنزل المقالتين في الموضوع القادم مباشرة بإذن الله بس الله يستر لأن الصراحة مثل هالمقالين أعتبر لهم خصوصية موب هينة أبد بالنسبة لي..لأنها تعبر عن جوانب عني أنا ما ركزت عليها في السابق لزوم الغموض اللي يعطيني خيارات كثيرة في إعطاء فكرة عن شخصيتي الحالية كـ “واحد من الناس” عنده “سالفة يبي يقولها” :)

      كل الشكر لك عزيزتي ولمدونتك الجميلة اللي أعتبرها مدونة فيها آراء صحية صريحة تزعل البعض .. قد يكون لأنهم ما تعودوا النقاش؟ .. وترضي الكثير .. وجودك مهم وأتمنى لك الإستمرار على ما أنتي عليه على كل خير..

    19. نجدي محايد:
      30 مارس 2007 في الساعة 12:40 ص

      عبد العزيز البكر ,

      أجل يقولون إذا ضاعت فتاحة الببسي بنلقاها عند مكتب عبدالعزيز! .. مع أن منظر أستوديو الـ ART اللي أنت تقدم فيه برامجك مرتب بطريقة مو طبيعية أبد, اثاريهم الظاهر هم اللي يرتبونه لك مهوب انت :) ..

      بس لا تزال بيننا قواسم مشتركة دامك حريص على ترتيب النقود والوثائق وغيره لأن صدقني أعرف ناس وناس كثيرة لو تسألها وين الأوراق الفلانية (اوراق مهمة ورسميــــــة!) قال لك والله مدري أكيد بالبيت ولا بالمكتب أو بالسيارة! ما قصر ابو الشباب ذكر لك كل الإحتمالات! …

      شكراً لك يا غالي على تواجدك الجميل وكل تمنياتي لك بالتوفيق في عملك ومستقبلك الإعلامي المبهر بإذن الخالق..

    20. norah:
      3 أبريل 2007 في الساعة 5:45 م

      مساء الخير..
      عليك مقدمه..شي :p

      بس استمتعت وانا اقر اشيائتك..

      اما بالنسبه لي

      احب لما اكون بالسياره يكون الجو صامت ولا “همس” حتى لو كان طريق سفر
      لاسباب عده ;)

      وكمان اقرا الجرايد مع ورا …يمكن عشان نشوف وش اخر اخبار”الهليل” ;)

      بالتوفيق محايد

    21. نجدي محايد:
      4 أبريل 2007 في الساعة 2:59 م

      Norah ,

      مساء الأنوار يا نورة .. الله يعافيـــــك ومشكورة وصدقيني بالعكس أنا كنت خايف إني عقدت المقدمة حبتين زيادة وسويتها وصفة طبخ مو مقدمة موضوع! :)

      أما الهدوء بالسيارة أنا سبحان الله ما يوافقني إلا في لحظات معينة غالباً لما أكون أفكر بعمق ولا أبغى اروق مرة وأنا أسوق (يعني غالباً لما ما يكون وراي موعد أو يحدني وقت معين .. هدوء وروقان والشوارع قدامي فاضية وحنونة وزي الورد!)

      وشلة “قراية الجريدة من ورا” الآن صارت ستة ماشاءالله! :| , ثلاث بنات وثلاث شباب, والفكرة وضحت بالنسبة لي .. ليه نقراها من بدايتها إذا ما كان لنا الرغبة في اننا نشغل نفسنا برتابة وملل السياسة اللي أصلا القنوات الإخبارية القوية أغنتنا عنها بتغطيتها الممتازة ..

      مافيه جريدة ممكن تنافس قناة, لا بسرعة نشر الخبر ولا بالطريقة, لكن تبقى الصفحات السياسية لها معجبينها ومتابعينها :) .. شكراً لك مرة ثانية يا نورة على المرور ,,

    22. بندر:
      2 مايو 2007 في الساعة 8:32 ص

      تشرفني صفة مشتركة مع إنسان راقي و رائع مثلك :)
      جميل جداً كلامك ..

    23. نجدي محايد:
      2 مايو 2007 في الساعة 5:58 م

      بندر ,

      يعطيك العافية حبيبنا, كلامك انت اللي جميل وشكراً لك :) ..

    24. لمياء عادل:
      16 نوفمبر 2007 في الساعة 3:16 م

      السلام عليكم انا اكتب باليسار وعصبية بشكل غير طبيعي واكتب بسرعة كبيرة جدا وعندي عناد قوي خاصة للي يعاندني وعندي شخصية جذابة و صريحة وما اهتم للعواقب حتى لو كانت اكبر مني اوجها وحتى لو بعد مليون سنة انا مااحب اي احد يغلط علي حتى لو كنت احبه لانه اذا غلط علي يشوف الويل مني بس طبعا هذا مو تهديد لكم بس علشان اكون صريحة معكم وشكرا للأخ: نجدي محايد و بندر لأنهم هم اللي شجعتوني على الكتابة بصراحة وطلاقة والسلام عليكم ورحمته الله وبكاته

    25. نجدي محايد:
      18 نوفمبر 2007 في الساعة 3:12 ص

      لمياء عادل ,

      وعليكم السلام اختي .. يسارية مثلي يا لمياء؟ شي جميل جداً بنظري ولا أزال في صدد إعداد بحث مصغر عن أهل “اليسار” :) .. نحن لم نختار الكتابة باليسار ولكن علينا أن نعلم ما معنى هذه الميزة .. شخصيتك جميلة وقوية في جوانبها ومعالمها واضحة الحدود .. شي جميل ومرغوب دائماً .. الشكر لك وللأستاذ بندر بوجودكم هنا وكتابتك مرحب بها دائماً ومنها أرى طلاقتك في الكتابة ..

      أتمنى أن تستمرين في الكتابة في أي مجال وبأي مناسبة, لأني أؤمن إيمان شديد في من يكتب بيسراه, فأنا أحدهم وأنتي منهم, ونحن عندنا شي لا يملكه غيرنا والأيام هي الشاهد بإذن الله ..

      وعليكم السلام والرحمة يا لميا ..

    26. السليطه:
      27 سبتمبر 2008 في الساعة 2:22 ص

      يا سلام عاد أنا تعالو قولولي عبري عن نفسك ولا شيء من هذا القبيل ….ما اصدق خبر على قولتكم يا السعودين ..ما يحتاي بكتب معلقه لا شعورياً .من زود الكرم……عاد اذ عرفناكم عن خفايا شخصنا الكريم , ما بتعود خفايا ,,بس دامنا شخصيات بعضها خفي ولا نمت لبعض بصله ولا فئوس , فهذا يلغي الفرضيه الأخيره …عموما والله انا بتكلم ولا ادري شكلي بتعدى الخمس من الامور التي لا يعرفها عني حتى المقربون !!!!!!!!!

      والله الأشياء كثيره هي التي يلا يعرفونها عني
      1 . لدي الكثير من الأصدقاء الذين لا يعدون ولا يحصون , ولكنني في حقيقه أمري من الاشخاص الذين يملكون صديقه واحده بمعنى “الصداقه ” وهي التي اعتبرها صديقتي من بين الجميع.,,,لا اعلم فأنا مهما ملكت من أمور , أفضل منها أمر على كل ما هو موجود …لا اقوى على التعداد …وكم يحلو لنا مراسله بعضنا البعض بالمسجات بأغبى المسجات التي لا يستوعبها الا نحن …بالعكس لا يحلو الحديث و لا التعبير عن ما يدور في جنبات العقل من أمور لا معنى لها , الا بالمسجات …مدري ليه ..مرات الكلام ما يؤدي واجبه ولا يترجم الافكار بالطريقه التي يترجمها الاصابع
      2. لطالما حلمت بالرحيل الى البعيد , أن أمشي و أمشي و أمشي , أريد أن ارحل دون أن يسألني أحد الى أين ..فأتجول في العالم و أجوبه , , اجلس على قارعة الطرقات , أجلس تحت غطاء والمطر يهطل بشده حاملةَ كوباً من الشاهي الدافئ , اسافر بالقطار من محطه الى محطه , اتعرف استكشف , اتعلم ,,,,أتعمق في نفسي ,,…الى أن أرتاح و أعود الى قواعدي , وكأن شيئً لم يكن ,,,ولا يسألني أحد أين كنتي و الى أين ذهبتي , ولما رحلتي …..
      3. لدي اسم ألكتروني , عزيزه على قلبي تجولت فيه كثيراُ في المواقع تعرفت فيه على أخوه و اخواة من صفوة الأنفس الطيبه والمحترمه التي قل ما تجدها في مثل هذا العالم ..تقربت فيه من الناس ضمن حدودي و احترامي لذاتي ودون تجاوز المنقود او المنبوذ ,,لامست نفوس من أروع الأنفس ,,وهو أسم لا احد يعرف عنه شيء ممن حولي ..لي وحدي فقط ..كإبني وله يوم سينتقل الى رحمة الذاكره .,,, , واليوم أحتويه في ذاكرتي يقبع في زاويه منها تحمل الكثير من الذكريات الجميله …كل ما شدني الحنين عدت لأقف على الأطلاله ..ههههههه ونعم الأطلال عاد …
      4. كالأخ محايد , اقرئ الصحف العربيه و المجلات بالعكس …لأنني تعودت على النظام الأجنبي الذي يبدأ من العكس …..حتى ايام الدراسه , كنت أبدئ من النهايه الى البدايه ..ولا اخفيكم أنني في بعض المرات كنت أبدء الدرس من نهايته الى بدايته , ..لا أعرف هذا يعمل السيستم الاستيعابي لدي …وذات شيء في ورقة الامتحان ,,,أحب تقليبها من الخلف الى البدايه ..مرات انط للأسئله الاخيره الى ان أصل للأولى …همممم طابع غلبه التطبع …..
      5. لا أحب عد مااااااااااااااالي ولست حريصه عليه أبدا ً مهما بلغ المبلغ فأنا لا اعده ولا احرص على معرفه الباقي , أومن بأن المال رزق من الله عز وجل جاء وسيذهب … بفضل من الله و قدره …لا احب أن اعلم كم عندي أو كم بقي ..بل أحب أن أعطي مافي جعبتي الى أن تنشف وتنضب ..حينها فقط أعلم بأن مالي قد نفذ …وهكذا …
      6.أحب الطرقات الطويله ,,ولا احب التحدث في السياره , بل احب النظر من نافذتها و التأمل …وقد يطول الطريق ..فيطول صمتي دون أي مشكله ..فأن أستمتع بالطرقات …..فالطريق له أبعاد كثيره في نفسي و إنعاسات اخرى على حياتي و نظرتي لها .
      7. لمن ينظر في حقيبتي , سيجد فيها ملعقه بلاستيك مستخدمه , غطاء بايبات العصير ( المصاصه ) ,المصاصه نفسها ههههه منتهي اجلها ,,, دبابيس , لاستيك أوراق …بقايا كباسه … كوب ماء بلاستيكي مستهلك وتم العبث به ..الخ الخ..لا شعورياً اجدني التقط ما أمامي مما يشبه هذه الأمور ,,مرات أكون ماشيا في محل والتقط شيء في يدي كحديده الملابس الدائره , او اي شيء …ودائما ما أجد في يدي شيء لا يمت لشيء بصله ..احب العبث بهذه الاشياء …في جلوسي في وقوفي في مشيي ..لا اعلم…انها عاده معتاده …….يقولون أنها طبيعه من عقولهم دائما متحركه وفي تفكير دائم ..يعني على طووووووووووول شغاااااااااااله ……

      وبس هنا أقف عند رقمي المفضل و اكتفي بما قلت<< عاد الي يسمع أفلاطون يتكلم ههههههههههه
      ..خلاص بروووووح أصلي القياااااااااااااااااااااااااااااااااااااام ..
      السلام عليكم ورحمة الله وبركاااته

    27. نجدي محايد:
      8 ديسمبر 2008 في الساعة 3:48 م

      السليطه,

      الله يعطيك العافية اختي على مشاركتك القوية معي في المدونة وماشاءالله الله لا يضرك على هالنشاط :) وحياك الله دوم وهلا فيك وبمشاركاتك ..

    28. فضاء:
      1 فبراير 2009 في الساعة 8:34 م

      حزنت حزن شديد على الورقة..
      على كيذا يوم تسلم الفاتورة.. يكون حبر البرينت اتمسح؟؟
      الله لا يولي ورقة بين إيديك إلا لغرض سلمي لا عصبي…
      استمتعت بمعرفة خفايا شخصك الكريم..
      تحياتي
      :)

    أكتب تعليقاً