أجل لاعبهم مسنتر بهرفي! اللي يسمعك يقول رونالدوينيو ولا بيكهام .. يا حليلهم لاعبينا اذا ما شفناهم في الملعب شفناهم في عزا ولا في عزيمة أو في هرفي .. انتي اللي قوليلي وش السواة .. سواتك انتي في سالفتك موب سواتي أنا في انك غثيتيني وانتي والله ما غثيتيني هالحين يقالي أنا مسوي فيها ذرب و أسلوب ثمن تقولين لي فاهم!! وش هالسنع؟! ودام لي الشرف أجل لك الشرف بعد وغثيني على راحتك عزيزتي غثاك راحة بس اثقلي شوي! .. وبهالمناسبة يلزمني أني أكمل أنشودة نادي التعاون فخر البريداوية وأنا منيب بريداوي بالمناسبة! ولو انه الظاهر فريقهم نزل للدرجة ثانية! .. “التعاون ما بوه مثلوه بالقصيــــم .. وييين بوه .. بالقصيم .. وييين بوه .. بالقصيم” ثمن يلتفت رئيس رابطة المشجعين ويشيك على الردادين اللي معه ويزبط المايك ثم يرجع ويقولها مرة ثانية هالحين أدينا الأمانة وأعطيناكم السيناريو كامل احمدوا ربكم! بس اللي ملاحظه أن موضوعي هذا كان عبارة عن موضوع ترحيبي بانتقالي للووردبريس أشوف قلبناه رياضة محلية لا ودوري درجة ثانية بعد الله يفشلنا يالله ما عليه أهم شي الأخلاق!

و بعدين وشو الي وش السواة؟؟؟ هااااه؟ لك الشرف إني أغثك فــــاهم؟

أويلاه يالتعاون ذكرتيني يا فرح بأيام النشاط يوم كنا نتابع دوري الدرجة الأولى! .. التعاون والنجمة والرائد طالعين كنهم ريال مدريد وبرشلونة وأرسنال بسم الله عليهم .. هالحين اتابع آخر أسبوعين من موسم دوري الدرجة الممتازة وكثر خيري بعد .. وشكواك ما هي غريبة علي لكن وش السواة .. الوحدة تشتري راحتها بنفسها .. واله يخلي لنا ربوع بلادي لكن التغيير لازم وواجب ولا بنمل من ربوع بلادي ذي ما غيرها .. وعلى فكرة ترى التعاون نادي بريييده .. أما نادي عنيزة فهو النجمة فديتهم قد لعبوا في الممتاز في عصر من العصور اللي مضت ..

أما سفرتكم…..يعني بإختصار, صعتوا برا!!! كويس شطــــــــــار والله إنتم اللي لاقينها و عرفتوا تستغلون الإجازة!!

أما حنا فالله يخلف بس…قضيناها في ربوع بلاد أجدادي, عنيزة الله يخليه لنا

و في الختام,,,,,,”التعاون ما بوه مثلوه بالقصيــــم”

يبارك فيك أخوي وعلى قولتك الملك أحسن من الإيجار .. واستعمالي للوردبريس نابع أساساً من إعجابي فيه وشكراً لك على اهتمامك وبالعكس جهودك واضحة وما قصرت أبد .. وعيدك دايم سعيد إن شاءالله ..

وخطوة جميلة إنك أستخدمت الوورد بريس… وإذا بغيت أي شيء عندك منتدى الوورد بريس العربي فيه كل شيء تبيه من الأبرة للصارووخ : http://www.ar-wp.com/ وأيضاً الموقع الرسمي للوورد العربي http://www.wordpress-ar.com/ وعندك مدونة تجريبية (حقتي :)) http://www.wpdemo.com/ للقوالب المعربة ويمكن إنك تجربها على الهواء مباشرة قبل تنزيلها… ولو إني مقصر فيها بس أتمنى إنك راح تحصل شيء يعجبك فيها :)… وأي شيء تحتاجه لا يردك إلا الكيبورد :)…

وكل عام وإنت بخير…

ومن العايدين ومن الفايزين إن شاء الله…

تحياتي؛؛؛

س1/ كم ساعة قعدت تشتغل على هالمدونة؟

7 أيام .. 4 أيام في تسجيل الدومين وسواليفه و 3 ايام في الوورد بريس وتنصيب برنامجه مع تصميم الواجهة والبنر ..

س2 /وين قضيتوا عيدكم هالسنة؟؟؟

والله ما أخفيك يا فرح أني قضيته في ربوع أرض الله الواسعة .. أو بمعنى ثاني خارج المملكة .. لأن ماشالله/بسم الله علينا احتفالات العيد عندنا مصممة أساساً للشباب العزوبية .. يالله لك الحمد عندنا استاد الملز وش كبره وكله عروض واحتفالات .. وإيماناً بمبادئ الإيثار فضل نجدي محايد أن ما يزاحم الشباب في استاد الملز عشان يعطيهم كل الفرصة انهم يستمتعون على راحتهم لأننا ما نحب الزحام بطبيعتنا ولا؟ ..

وأنت بألفين خير أخوي خالد والله يبارك فيك وبالعكس تهنئتك جت في وقتها .. سلامي لك يا عزيزي ولأهلنا أهل الشرقية الأحباب ..

فروحة ,

الله يبارك فيك عزيزتي وانتي بكل الخير وكل الفرح إن شاءالله ..
وعلى طاري الوورد بريس فكثر خيرك من أساس اللي حاولتي فتح حساب ووردبريس وصملتي على المحاولة لأن أنا بصراحة في البداية تنرفزت وكرهته من كثر تعقيداته + اني معاندي فما حبيت أسأل غيري من اللي يعرفون له فكذا ليش خذ مني جهد ووقت زايد ..

والبلوقر ما به نقص أبد أبد وانتي تخبرينه زين لكن لو جماعة الووردبريس يسهلونه شوي من ناحية التفاصيل والإعدادات كان أفضل .. يعني مثل ما فشلتي فشل “ذريع مخزي” فأنا نفس حالتك في البداية لكن مثل ما تعرفين اني اذا نصيت شي وعزمت عليه فمهما صار منيب اتركه ويالله لك الحمد قدرنا نشطب الموضوع على خير على ما أظن ..

تصميم البنر حبيت انه ما يكون فيه تفاصيل زايدة تشغل العين يعني بسيط وقد يكون نوعاً ما معبر وألوانه هي الألوان المعروفة مسبقاً لشخصية فهد/نجدي محايد .. الذهبي المطفي والأحمر الداكن .. وكونك تعتبرين تصميم البنر جميل فهذا من ذوقك الراقي ولطفك ..

أسعدتيني جداً جداً بمرورك .. وأنا يدي ممدودة للكل وانتي في المقدمة اذا احتجتي أي إرشادات في إنشاء موقع بدومين خاص أو مدونة باستضافة الووردبريس فنجدي محايد بإذن خالقه موجود للمساعدة على قدر استطاعته ..

وهذه الأمور للمبتدئ شغلة متعبة جداً لكن للي أتمها وتعلم عليها بسيطة جداً .. نصيحتي للكل .. اسألوا غيركم عن اللي يخفى عنكم واتركوا عنكم المعاندي نجدي محايد يوم انه ما سأل أحد وتوهق وبدا من الصفر سواءاً في إعدادات الدومين نيم أو تفاصيل الوورد بريس ..

طلعت من جد شاطر, أنا حاولت (للتجربة) أن أفتح و أصمم صفحة من وورد برس و … فشلت فشل ذريع مخزي!!!! لوول يبدو إن بلوقر صديق دربي و علي أن أبقى معه و أخلص له في كل الأحوال
تصميمك جميل و البنر متعوب عليها و حلوة, فمبروك مجدداً

و بالتوفيق لك و لمدونتك الجديدة
–(سؤالين للقافة:كم ساعة قعدت تشتغل على هالمدونة… أنا قعدت أيام–تقريباً إسبوع ولا طلعت بشيء لووول عادي عادي أعترف إني جاهلة أمية بالصفحات و تصميمها!!! و السؤال الثاني وين قضيتوا عيدكم هالسنة؟؟؟ )